ACCORD DUO SWING

AQUETH "DUETTO" N’EI PAS RECENT...

Atifats, desempuish nombrosas annadas adara de los lors braç, camas, caps e accessòris musicaus, aqueths dus compairs prepausan un concèrt o un bal de quate mans.
Musicas tots formats, tots bohets, totas talhas on s’i en vesen e entenen de totas !
Lo lor repertòri ? Tradicionau o de composicion, mes e cau enqüèra hèr ua distinccion ?
E si jogavan sustot endeu plasèr ?
Photo Philippe Plasman

Marc CASTANET
(acordeon, bohas, flabuta e tamborin, cant)
Mostachut. 1m75. Qu’ei lo mei petit.
Que jòga dambe : Lo Drac, Verd e Blu, la Brigada Menestrèrs, La Confrérie des Souffleurs, Les musiciens de l’ACPPG.
Discografia : Bal de Garona, Camins (Duò Espinasse), Verd e blu (4 CD), Nadau en Companhia, Companhia Vieussens (2 CD), Rondèus e Congos de las Lanas, Chenapans e Lousticks, Transumancias....

Miquèu LE MEUR
(sansonha, acordeon, percussions, cant)
Mostachut. 1m80. Qu’ei lo mei grand.
Que jòga dambe : Lo Drac, Macalet, Luzerp, La Confrérie des Souffleurs.
Discografia : LLB 80’S, Charivari, Aval-Aval, Cançons de Femnas, Camins (Duò Espinasse), Nadau en Companhia.

...Que s’encontrèn dens la annadas 80 a l’entorn d’un o dus acordeons, los an chucats dinca au darrèr boton, e se quitèn pas mei, empr’amor que la complicitat devenguèc la lor moneda d’escambi. Las lors inspiracions que son multiplas : totas, totas (enfin regde ! ). Las musicas tradicionalas (Euròpa, Antilhas, Caraíbas...) Ricet Barrier, lo Jazz, la cançon d’arrisér ent’arrisér, e sustot ... l’umor ... tostemps l’umor. De servir plan enviat, dambe un pessic de chalopat...
Quauques participacions :

• 89 : Nuèit de la dança, l’Isla de Baish
• 91 : Conservatòri Occitan, Tolosa ; ADDIM, Menda ; Estagi de Saumejan.
• 92 : Trad’Envie, Pavie ; Musicas mescladas, Parthenay.
• 93 : Rencontres d’acordeon, Saint Symphorien.
• 91 / 93 : Rondèu, Castèlnau.
• 94 : Castans ; Sent Gaudens.
• 95 : Castèth de musicas, Ròcahort.
• 2011 : Rondèu de Castelnau.

Lo grop Accord Duo Swing animarà lo bal dimècres 6 de julh a la sala de las hèstas de Vilandraut.

"ACCORD DUO SWING" e Cyril TRIBALLEAU haràn dançar au bal de las hèstas de la Tèsta en Gironda.